08 Mars - Journée Internationale des Droits de la Femme : Une pensée poëtique à la femme Guadeloupéenne.

Publié par FSAS-CGTG sur 8 Mars 2022, 11:01am

Ba Fanm Gwadloup ,

Lè fanm Bayif

sa rété véyatif

Lè fanm Senklod

sa maré-w kon kod

Lè fanm Bastè

sa lévé ansanm i atè

Lè fanm Goubè

sa foré balivènè

Lè fanm vyéfô

Sa bréfô

Lè fanm Twarivyè

sa atann asi bakadè

Lè fanm Bèlo

sa najé an grandlo

Lè fanm Gouyav

sa palé pou-w sav

Lè fanm Tibou

sa vwè vini a bamou

Lè fanm Bémawo

sa mèt sa piplis ki ho

Lè fanm Manten

sa koré chachtren

Lè fanm Sentwoz

sa fè ganm é pôz

Lè fanm Déyé

sa pajen fè dèyè

Lè fanm Pwentnwè

sa wouvè zyé asi boklè

Lè fanm Bouyant

sa baré balan a karant

Lè fanm zabitan

sa monté jis an pyé pikan

Lè fanm Lapwent

sa rété anpwent

Lè fanm Zabim

sa parèt asi-w bidim

Lè fanm Gripon

sa pôté mannèv é jété jipon

Lè fanm Kannal

sa mèt lôd an bakannal

Lè fanm Polùi

sa baré balan a mantri

Lè fanm Lansbètran

sa fè-w sizé asi tiban

Lè fanm Moul

sa djouké-w kon boul

Lè fanm Senfanswa

sa vougaré fouyaya

Lè fanm Sentann

sa pijé-w kon kann

Lè fanm Gozyé

sa jété é masé zyé

Lè fanm Dézirad

sa mandé-w pwangad

Lè fanm Ganbou

sa pôté pannyé a lanmou

Lè fanm Senlùi

sa lavandé lagli a lavi

Lè fanm Kabèstè

sa baré nonm blèblè

Lè fanm Tèdba sa

kôchi bèk a bwabwa

Lè fanm Tèdho

sa voyé-w vwè tanto

Lè tout fanm Gwadloup sa tousa an menmditan

Davwa yo sôti an tout tiwèt a istwè é tan,

Véyé jé a-w nonm ! Apa toudi kolé kô é fanm Gwadloup

Pou-w kwè ou ké fè-y fonn kon floup

Awa ! Lè-w kwèdi i atè, lontan i ja doubout

Awa ! Lè-w kwèdi sé-w i mèt, lontan i ja bout.

P. B., 08 Mars 2020

Partager cet article

Repost0

Déclaration de l'Union des Femmes Guadeloupéennes (U.F.G.) sur les soignants suspendus !

Les casseroles ont de la suie au cul... Il faut du propre !

Commenter cet article